די פּיעסע „פֿאַרשעמט‟ ווערט אַקטועל

The Play "Disgraced" - More Relevant Than Ever

די צוויי רעפּרעזענטאַטיווע פּאָרפֿעלקער
די צוויי רעפּרעזענטאַטיווע פּאָרפֿעלקער

פֿון עדי מהלאל

Published January 22, 2015, issue of February 06, 2015.

ס׳איז שווער הײַנט צו געפֿינען אַ מער אַקטועלע טעמע ווי די באַציִונגען צווישן דער מערבֿ-וועלט, מוסולמענער און איסלאַם, בפֿרט וואָס שייך דעם סטאַטוס פֿון די מערבֿדיקע מוסולמענער. נאָך די שרעקלעכע אַטאַקן אין פּאַריז, רעדט מען אויף שריט און טריט וועגן די זאַכן; פֿון דעסטוועגן, וואַקסט דער פּראָצענט נאַרישקייטן, וואָס מע הערט אין די נײַעס, אָדער טעלעוויזיע-קאָמענטאַטאָרן פֿון די אַזוי גערופֿענע „מומחים פֿון טעראָר‟, פֿון טאָג צו טאָג.

וואָס עס פֿעלט אין די דיסקוסיעס איז אַן אמתער און טיפֿער פֿאַרשטאַנד לגבי דעם איסלאַם און די אמתדיקע דילעמעס, וואָס די מערבֿדיקע מוסולמענער גייען אַדורך. עס פֿעלט, פֿון איין זײַט, דאָס קול וואָס וועט באַטאָנען די שוועריקייטן פֿון די מערבֿדיקע מוסולמענער זיך צו אינטעגרירן אין די געזעלשאַפֿטן, וואָס לאַנצירן מלחמות קעגן די מוסולמענישע מדינות, ווי אַפֿגאַניסטאַן און איראַק (און אַנדערע, ווייניק אָפֿיציעלע שלאַכטן); און פֿון דער אַנדערער זײַט, פֿעלט דאָס קול, וואָס וועט מסוגל זײַן אויך צו קריטיקירן די פֿונדאַמענטאַליסטישע פּירושים פֿון סוני-איסלאַם, וואָס זענען בכּוח צו רעקרוטירן יונגע מוסולמענער צו קעמפֿן פֿאַר דער „איסלאַמישער מדינה‟ אָדער „אַל קײַדאַ‟. דער אַמעריקאַנער-מוסולמענער מחבר אַיאַד אַכטאַר נעמט איבער די וויכטיקע און נייטיקע ראָלע, און עס איז כּדאַי צוצולייגן אַן אויער צו דעם, וואָס ער האָט צו זאָגן מכּוח די ענינים.

דער דראַמאַטורג אַיאַד אַכטאַר
דער דראַמאַטורג אַיאַד אַכטאַר

אַכטאַר איז דער מחבר פֿון דעם געלויבטן ראָמאַן „אַמעריקאַנער דערוויש‟ (American Dervish; 2012), אַ בילדונגס-ראָמאַן וועגן אַ יונגן פּאַקיסטאַנער-אַמעריקאַנער, און ווי ער באַהאַנדלט די פֿראַגעס פֿון אידענטיטעט, וואָס שײך זײַן רעליגיע און אָפּשטאַם. דערצו קען מען איצט און ביזן ערשטן מאַרץ זען אויף בראָדוויי אַכטערס דראַמע „פֿאַרשעמט‟ (Disgraced), וואָס איר וועלט-פּרעמיערע איז פֿאָרגעקומען אין יאַנואַר, 2012. „פֿאַרשעמט‟, אַן איין־אַקטער, קומט פֿאָר פּונקט אַ יאָרצענדליק נאָך דער טראַגישער דאַטע, „סעפּטעמבער 11‟. עס טרעפֿן זיך אין אַ דירה אויפֿן אַפּער-איסט-סײַד צוויי פּאָרפֿעלקער, צו פֿאַרברענגען אַ וועטשערע-מסיבה. די גאַסטגעבער הייסן אַמיר און עמילי.



Would you like to receive updates about new stories?






















We will not share your e-mail address or other personal information.

Already subscribed? Manage your subscription.