ייִדיש איבער דער וועלט

Yiddish Around the World

פֿון דזשאָרדין קוציק

Published February 25, 2015, issue of March 20, 2015.

דער פּאָרטרעט פֿון הערץ גראָסבאַרד (אַרטור קאָלניק 1930ער יאָרן)
דער פּאָרטרעט פֿון הערץ גראָסבאַרד (אַרטור קאָלניק 1930ער יאָרן)

„וואָרט־קאָנצערטן‟ פֿון הערץ גראָסבאַרד אויף דער אינטערנעץ

די הײַנטיקע טעכנאָלאָגישע מיטלען מאַכן גרינגער דאָס צוצוקומען צו די אוצרות פֿון דער ייִדישער קולטור. ס׳איז שוין פֿאַרבײַ אַ היפּש ביסל צײַט, וואָס מע קען לייענען טויזנטער ביכער אויף דער אינטערנעץ און אויך צוהערן זיך צו רעקאָרדירטע טעקסטן פֿון געוויסע ייִדישע ראָמאַנען. ס׳רובֿ ייִדישע רעקאָרדירונגען, בפֿרט ליטעראַטור, איז אָבער נאָך אַלץ ניט דיגיטאַליזירט געוואָרן.

לעצטנס, האָט מען לאַנצירט אַ נײַעם פּראָיעקט אַרויפֿצושטעלן די באַקאַנטע „וואָרט־קאָנצערטן‟ פֿונעם אויסערגעווענטלעכן ייִדישן אַקטיאָר הערץ גראָסבאַרד (1892־1994) אויף דער אינטערנעץ. וועגן דעם קען מען לייענען גענוי אין שׂרה־רחל שעכטערס אַרטיקל אינעם „פֿאָרווערטס‟. כּדי צו הערן די וואָרט־קאָנצערטן באַזוכט: http://www.grosbardproject.com/Grosbard_Project/Home.html

אַ פּירסום־עמבלעם פֿאַר דער פֿאָרשטעלונג „די מגילה פֿון איציק מאַנגער‟
אַ פּירסום־עמבלעם פֿאַר דער פֿאָרשטעלונג „די מגילה פֿון איציק מאַנגער‟

„די מגילה פֿון איציק מאַנגער‟ אין בערקלי

דער „נײַער ייִדישער טעאַטער‟ פֿון בערקעלי, קאַליפֿאָרניע וועט פֿאָרשטעלן „די מגילה‟ פֿון איציק מאַנגער (אויף ייִדיש, מיט ענגלישע אונטערקעפּלעך) ווי אַ טייל פֿונעם אָרטיקן „פֿעסטיוואַל פֿון ייִדישער מוזיק‟. די פֿאָרשטעלונגען וועלן פֿאָרקומען פֿונעם 26טן פֿעברואַר ביזן 3טן מאַרץ בײַם „ייִדישן קהילה־צענטער פֿונעם׳איסט ביי׳‟ אין בערקלי.

נאָך אינפֿאָרמאַציע: http://www.jewishmusicfestival.org/events/di-megileh.

אומזיסטע ייִדישע ביכער אין תּל־אָבֿיבֿ

די „נאַציאָנאַלע אינסטאַנץ פֿאַר ייִדיש אין מדינת־ישׂראל‟ האָט לעצטנס אַנאָנסירט אויף איר „פֿייסבוק‟־זײַטל, אַז מע וועט אַוועקגעבן טויזנטע ייִדישע ביכער אומזיסט אין תּל־אָבֿיבֿ צוליב דעם, וואָס די ביבליאָטעק בײַם קולטור־צענטער „בית־אריאלה‟ וויל האָבן מער אָרט אין זײַן סקלאַד. מע וועט צעטיילן די ביכער דינסטיק, דעם 3טן מאַרץ און מיטוואָך, דעם 4טן מאַרץ, פֿון 10 אַ זייגער אין דער פֿרי ביז 2 אַ זייגער נאָך מיטאָג.

רעפֿעראַט פֿון קריסטאַ וויטני אין ניו־יאָרק

קריסטאַ וויטני, די דירעקטאָרשע פֿונעם „פּראָיעקט פֿון געשיכטע בעל־פּה א׳׳נ פֿון וועקסלער‟ בײַם „ייִדישן ביכער־צענטער‟ וועט האַלטן אַ רעפֿעראַט וועגן דעם פּראָיעקט. בעת דער פּראָגראַם וועט מען ווײַזן אויסצוגן פֿון אינטערוויוען און זי וועט דערקלערן די פֿאַרשידענע אופֿנים, ווי אַזוי און פֿאַר וואָס די הײַנטיקע מענטשן געבן איבער די ייִדישע קולטור פֿון דור צו דור.

די פּראָגראַם, אויף ענגליש, וועט פאָרקומען דינסטיק, דעם 3טן מאַרץ, 3 אַ זייגער נאָכמיטאָג בײַם „מוזיי פֿון ייִדישער ירושה‟ אין מאַנהעטן. דער אײַנרטיט איז פֿרײַ, אָבער מע דאַרף זיך רעזערווירן אַן אָרט פֿון פֿריִער.

נאָך אינפֿאָרמאַציע: http://www.yiddishbookcenter.org/events/15/03/nyc-event-story-behind-stories.

„פֿרילינג־אולפּן‟ אויף דער „ייִדיש־פֿאַרם‟

די „ייִדיש־פֿאַרם‟ אין גושן, ניו-יאָרק האָט לעצטנס אַנאָנסירט אַ נײַע אולפּן־פּראָגראַם, פֿאַר וועלכער די סטודענטן וועלן קענען באַקומען אַן אַקאַדעמישן קרעדיט דורך „גרעץ־קאָלעדזש‟. די פּראָגראַם וועט פֿאָרקומען אין צוויי סעסיעס, פֿונעם 16טן ביזן 20סטן מאַרץ און פֿונעם 23סטן ביזן 27סטן מאַרץ. די סטודענטן וועלן פֿאַרענדיקן אַ גאַנץ לערנבוך און אויך אויסלערנען זיך 20 ייִדישע לידער. במשך פֿון דער פּראָגראַם וועלן די סטודענטן אַרבעטן אויף דער פֿאַרם און געניסן פֿון קולטורעלע אַקטיוויטעטן.

רעגיסטראַציעס וועלן אָנגענומען ווערן ביזן 9טן מאַרץ. מע קען אויך אָנגעבן אויף סטיפּענדיעס, וואָס וועלן דעקן אַ טייל פֿון די הצואות. נאָך אינפֿאָרמאַציע: https://yiddishfarm.org/springprogram.html.

אינטענסיווע זומער־פּראָגראַם אין ייִדישער שפּראַך אין „שיקאַגער אוניווערסיטעט‟

יעדעס יאָר קומען פֿאָר אינטענסיווע זומער־פּראָגראַמען אין ייִדישער שפּראַך און קולטור איבער דער וועלט. די באַקאַנסטע פּראָגראַמען זענען די, וואָס קומען פֿאָר שוין לאַנגע יאָרן אַזוי ווי די פּראָרגראַמען אין ניו־יאָרק (ייִוואָ), אַמהערסט (דער ייִדישער ביכער־צענטער), תּל־אָבֿיבֿ (תּל־אָבֿיבֿער אוניווערסיטעט), ווילנע (ווילנער ייִדישער אינסטיטוט), וואַרשע (שלום־פֿונדאַציע) און אַזוי ווײַטער. נאָך די באַקאַנטע לאַנג־יאָריקע זומער־פּראָגראַמען, קומען אָפֿט פֿאָר אַנדערע ייִדיש־קורסן ווי אַ טייל פֿון אַ ברייטערער סעריע שפּראַך־קורסן אין אַן אוניווערסיטעט, וואָס לערנט אַ סך פֿאַרשידענע שפּראַכן אונטער איין אַקאַדעמישן דאַך במשך פֿונעם זומער.

הײַיאָר וועט דער „שיקאַגער אוניווערסיטעט‟ לערנען ייִדיש אויף אַן אינטענסיוון אופֿן, ווי אַ טייל פֿון זײַן „זומערדיקן שפּראַך־אינסטיטוט‟. די קלאַסן, פֿאַר אָנהייבער, וועט לערנען שׂרה „סאָני‟ יודקאָף פֿונעם 22סטן יוני ביזן 31סטן יולי. די קלאַסן וועלן פֿאָרקומען יעדן טאָג פֿון 9 אַ זייגער אין דער פֿרי ביז 11:50 פֿאַר מיטאָג און פֿון 1:00 אַ זייגער נאָכמיטאָג ביז 2:20 נאָכמיטאָג.

נאָך אינפֿאָרמאַציע: http://summerlanguages.uchicago.edu/page/yiddish-0.



Would you like to receive updates about new stories?








You may also be interested in our English-language newsletters:















We will not share your e-mail address or other personal information.

Already subscribed? Manage your subscription.