אַ פֿילם וועגן „פּאָפּ‟-יאַרמלקעס

The Yarmulke Meets Pop Culture


פֿון אַנאַ גאָלדענבערג (Forward)

Published May 07, 2015, issue of May 29, 2015.

מיט צוויי חדשים צוריק, האָט די וועבזײַט פֿונעם Forward געוויזן אַ קורצן פֿילם וועגן יאַרמלקעס. איצט, דערציילט דער רעזשיסאָר קאָלין קאָרנפֿײַנד וועגן כּלערליי יאַרמלקעס אין זײַן נײַעם קורצן דאָקומענטאַר. אַ יאַרמלקע, אַ כּיפּה אָדער אַ קאַפּל, ווי דער חסידישער ציבור רופֿט דאָס דאָזיקע קאָפּ־צודעקעניש, ווערט אין די הײַנטיקע צײַטן צומאָל באַצירט מיט די נעמען און סימבאָלן פֿון פֿאַרשיידענע פֿירמעס, ספּאָרט־מאַנשאַפֿטן און אַנדערע אַספּעקטן פֿון דער פּאָפּולערער קולטור. דער פֿילם ווײַזט, אַז דאָס טראַדיציאָנעלע ייִדישע קאָפּ־צודעקעניש קאָן זײַן טשיקאַווע און חידושדיק. אַ יאַרמלקע איז מסוגל צונויפֿצופֿלעכטן ייִדישקייט און די הײַנטיקע אַמעריקאַנער קולטור.

דער 12־מינוטיקער דאָקומענטאַר איז אַדרעסירט צום ברייטן אַלגעמיינעם אַמעריקאַנער עולם, וואָס ווייסט ווייניק וועגן יאַרמלקעס. במשך פֿון כּמעט אַ דריטל פֿונעם פֿילם ווערט דערקלערט, פֿאַרוואָס ייִדן טראָגן אַ יאַרמלקע און וואָס זי סימבאָליזירט. פֿון דער צווייטער זײַט, ווערט גאָרנישט דערמאָנט וועגן פֿרויען, וואָס טראָגן אויך אַ יאַרמלקע.

אויב איר זײַט צוגעוווינט צו די נודנע כּמו־כּלי־זמרישע עפֿעקטן, וואָס מע זעט כּסדר אין די ייִדישע פֿילמען, איז כּדאַי איבערצוקוקן דעם דאָקומענטאַר, באַגלייט מיט אויסגעצייכנטע אַנימאַציע־עלעמענטן.

דעם גאַנצן דאָקומענטאַר„Reverence” :
http://aeon.co/video/society/reverence-how-american-judaism-embraces-of-pop-culture/