אַ פּויליש שטעטל וואָס שטיצט בערני סאַנדערס
A Polish Town Rooting for Bernie Sanders
פֿון „פֿאָרווערטס‟־רעדאַקציע
אין אַ פּויליש שטעטל לעבן די קאַרפּאַטן־בערג זענען די אײַנוווינער ספּעציעל פֿאַרכאַפּט מיט די אַמעריקאַנער וואַלן; דהײַנו, אין סלאָפּניצע, אין דרום־פּוילן, איז אויפֿגעוואַקסן אלי סאַנדערס, דער פֿאָטער פֿונעם קאַנדידאַט פֿאַר פּרעזידענט בערני סאַנדערס.
כאָטש אלי סאַנדערס האָט פֿאַרלאָזט זײַן היימשטאָט אין 1921, צו 17 יאָר, זענען די אײַנוווינער פֿונעם שטעטל פֿון 6,500 גאַנץ שטאָלץ וועגן דעם סענאַטאָרס ייִחוס און באַטראַכטן אים ווי אַן אייגענער. בערני סאַנדערס, צוזאַמען מיט זײַן ברודער לערי, וואָס איז אויך אַ לינקער פּאָליטיקער, האָבן באַזוכט סלאָפּניצע אין 2013. צו יענער צײַט האָט דער בירגערמײַסטער פֿונעם שטעטל, אַדאַם סאָלטיס, באַגריסט די צוויי ייִדישע פּאָליטיקער און זיי געפֿירט צום הויז, וווּ זייער פֿאָטער איז אויפֿגעוואַקסן. דער סענאַטאָר איז געוואָרן היימיש מיטן בירגערמײַסטער, וואָס גיט איבער, אַז סאַנדערס קען אַ פּאָר ווערטער אויף פּויליש.
„מענטשן זענען גאַנץ צופֿרידן וועגן אים‟, האָט איבערגעגעבן דער בירגערמײַסטער. „מיר זענען זייער שטאָלץ פֿון סענאַטאָר סאַנדערס און ווינטשן אים נאָך דערפֿאָלג‟. די רעגירונג פֿונעם שטעטל האָפֿט, אַז סאַנדערס וועט זיי באַזוכן נאָך אַ מאָל, טאָמער ער ווערט דערוויילט ווי דער קומענדיקער פּרעזידענט, אַזוי ווי באַראַק אָבאַמאַ האָט באַזוכט דאָס שטעטל אין קעניע, וווּ זײַן פֿאָטער איז געבוירן געוואָרן.
אלי סאַנדערס איז אויפֿגעוואַקסן אין אַן אָרעמער משפּחה פֿון קרעמער און האָט באַקומען אַ טראַדיציאָנעלן ייִדישן חינוך אין די יאָרן פֿאַר דער ערשטער וועלט־מלחמה. זײַנע זין זענען געבוירן געוואָרן אין ברוקלין, ניו־יאָרק. ס׳רובֿ פֿון זײַנע קרובֿים זענען אומגעבראַכט געוואָרן בעתן חורבן.
די לעצטע אַרטיקלען
The Yiddish Daily Forward welcomes reader comments in order to promote thoughtful discussion on issues of importance to the Jewish community. In the interest of maintaining a civil forum, The Yiddish Daily Forwardrequires that all commenters be appropriately respectful toward our writers, other commenters and the subjects of the articles. Vigorous debate and reasoned critique are welcome; name-calling and personal invective are not. While we generally do not seek to edit or actively moderate comments, our spam filter prevents most links and certain key words from being posted and The Yiddish Daily Forward reserves the right to remove comments for any reason.
-
אַהיים
Home -
רעקלאַמעס
Advertise -
אַבאָנעמענטן
Subscribe -
תּנאָים און באַדינגען
Terms and Conditions -
פּריוואַטקייט־פּאָליטיק
Privacy Policy -
וועגן „פֿאָרווערטס‟
About -
וועבזײַט־מאַפּע
Sitemap -
אָפּטיילן
Sections -
ר. ס. ס.
RSS
Copyright © 2020, The Forward Association, Inc. All rights reserved.
