ישׂראלדיקע מאַגיסטער־פּראָגראַם אין ייִדיש זוכט אַפּליקאַנטן

Israeli MA Program in Yiddish Studies Seeks Applicants

ד׳׳ר דוד ראָסקעס בעת אַ סעמינאַר פֿאַר סטודענטן אין דער מאַגיסטער־פּראָגראַם
Goldreich Family Institute
ד׳׳ר דוד ראָסקעס בעת אַ סעמינאַר פֿאַר סטודענטן אין דער מאַגיסטער־פּראָגראַם

פֿון „פֿאָרווערטס‟־רעדאַקציע

Published June 24, 2016, issue of June 25, 2016.

אַ ישׁראלדיקע מאַגיסטער־פּראָגראַם אין ייִדישער שפּראַך און קולטור זוכט נײַע אַפּליקאַנטן. די אָרגאַניזירער פֿון דער פּראָגראַם גיבן איבער, אַז מע וועט הײַיאָר צושטעלן ברייטהאַרציקע סובווענצן פֿאַר די סטודענטן, וועלכע ווערן אָנגענומען. די פּראָגראַם ווערט אָנגעפֿירט בשותּפֿות דורכן „העברעיִשן אוניווערסיטעט‟ אין ירושלים, דעם „תּל־אָבֿיבֿער אוניווערסיטעט‟ און „בן־גוריון אוניווערסיטעט‟ אינעם נגבֿ.

די צוויי־יאָריקע פּראָגראַם, וואָס מע האָט געגרינדעט אין 2012, נעמט אַרײַן קלאַסן בײַם „תּל־אָבֿיבֿער אוניווערסיטעט‟ און „העברעיִשן‟ אוניווערסיטעט, ווי אויך בשותּפֿותדיקע סעמינאַרן און פֿאָרש־וואַרשטאַטן. ס׳רובֿ פֿון די קלאַסן ווערן געפֿירט אויף העברעיִש אָבער געוויסע, אַרײַנגערעכנט קורסן פֿון ד׳׳ר דוד ראָסקעס וועגן דער ייִדישער ליטעראַטור און אַ קלאַס פֿון אַבֿרהם נאָווערשטערן וועגן דער ייִדישער קולטור, ווערן געלערנט אויף ייִדיש. אַנדערע פּראָפֿעסאָרן, וואָס לערנען זייערע קורסן אויף העברעיִש דערלאָזן, אַז מע זאָל אָנשרײַבן די אַקאַדעמישע אַרבעטן אויף ענגליש אָדער ייִדיש.

כּדי צו באַקומען נאָך אינפֿאָרמאַציע וועגן דער פּראָגראַם, שרײַבט מיכל בונדי, דער קאָאָרדינאַטאָר בײַם „אינסטיטוט פֿאַר ייִדישער שפּראַך, ליטעראַטור און קולטור אויפֿן נאָמען פֿון דער משפּחה גאָלדרײַך‟ בײַם „תּל־אָבֿיבֿער אוניווערסיטעט‟ ביזן 21סטן יולי אויפֿן בליצפּאָסט אַדרעס .

yiddish@post.tau.ac.il