פֿראַנצייזישער פּרעזידענט מאַקראָן: אַנטיציוניזם איז אַ מין אַנטיסעמיטיזם

French President Macron: Anti-Zionism is a Form of Anti-Semitism

פֿון ייִט״אַ

Published July 18, 2017, issue of July 28, 2017.

פֿראַנצייזישע פּרעזידענטן קומען זעלטן אויף דער יערלעכער אַזכּרה פֿון די „וועל־דיוו“־דעפּאָרטירונגען. אָבער בשעת דער אַזכּרה פֿונעם 75סטן יובֿל פֿון די אָ דעפּאָרטירונגען האָט דער פֿראַנצייזישער פּרעזידענט עמאַנועל מאַקראָן באַצייכנט דעם אַנטיציוניזם ווי אַ מין אַנטיסעמיטיזם.

„מיר וועלן קיין מאָל נישט נאָכגעבן די אויסדרוקן פֿון שׂינאה, און מיר וועלן נישט נאָכגעבן דעם אַנטיציוניזם ווײַל ס׳איז אַ נײַער גילגול פֿונעם אַנטיסעמיטיזם“, האָט מאַקראָן דעקלאַרירט בשעת דער אַזכּרה זונטיק אין פּאַריז.

דעם 16־17טן יולי 1942 האָבן פֿראַנצייזישע פּאָליציי־אָפֿיצירן צוזאַמענגעטריבן 13,000 ייִדן אינעם סטאַדיאָן א״נ וועלאָדראָם דיווער איידער מ׳האָט זיי פֿאַרשיקט אין נאַצישע אומברענג־לאַגערן אין מיזרח־אייראָפּע.

מער ווי טויזנט מענטשן, אַרײַנגערעכנט מאַקראָן און דעם ישׂראלישן פּרעמיער בנימין נתּניהו, זענען בײַגעווען אויף דער צערעמאָניע לעבן דעם דענקמאָל וואָס מ׳האָט אויפֿגעשטעלט אויפֿן אָרט פֿונעם אַמאָליקן סטאַדיאָן. דעם סטאַדיאָן גופֿא האָט מען אַראָפּגעריסן נאָך מיט צענדליקער יאָרן צוריק.

נתּניהו, אין אַ רעדע וואָס ער האָט צום טייל געהאַלטן אויף פֿראַנצייזיש, האָט באַדאַנקט מאַקראָנען פֿאַרן פֿאַרבעטן אים אויף דער אַזכּרה. ער האָט אָנגערופֿן די פֿאַרבעטונג אַ „שטאַרקער סימן“ פֿון דער חבֿרשאַפֿט צווישן מדינת־ישׂראל און פֿראַנקרײַך, און קאָנסטאַטירט אַז די צוויי לענדער דאַרפֿן „זיך פֿאַראייניקן“ קעגן דעם „מיליטאַנטישן איסלאַם“.



Would you like to receive updates about new stories?






















We will not share your e-mail address or other personal information.

Already subscribed? Manage your subscription.