„אַמעריקע — דאָס גאָלדענע לאַנד‟ פֿאַרלענגערט ביזן 20סטן אויגוסט

"Amerike - The Golden Land" Extended Through August 20

Victor Nechay

פֿון „פֿאָרווערטס‟־רעדאַקציע

Published July 18, 2017, issue of July 28, 2017.

צוליב דעם זייער גוטן פֿאַרקויף אויף בילעטן פֿאַר דער פּיעסע „אַמעריקע — דאָס גאָלדענע לאַנד‟, האָט די „פֿאָלקסבינע‟ די וואָך געמאָלדן, אַז מע האָט פֿאַרלענגערט די אויפֿפֿירונג ביזן 20סטן אויגוסט.

די פּיעסע, וואָס האָט אָנגעהויבן שפּילן דעם 4טן יולי, האָט זיך געזאָלט שליסן דעם 6טן אויגוסט.

די 90־מינוטיקע מוזיקאַלישע פּיעסע, וואָס שילדערט די שוועריקייטן פֿון אימיגראַציע, רעפּרעסיעס און אַסימילאַציע, איז אַ באַאַרבעטונג פֿון זלמן מלאָטעקס און משה ראָזענפֿעלדס מיוזיקל פֿון 1984, „דאָס גאָלדענע לאַנד‟, וואָס האָט צונויפֿגעוועבט די פּאָפּולערע לידער במשך פֿון דער מיזרח־אייראָפּעיִשער אימיגראַציע קיין אַמעריקע — פֿון די 1880ער ביזן מיטן פֿונעם 20סטן יאָרהונדערט.

אין פֿאַרגלײַך מיט דער פֿריִערדיקער צוויי־שפּראַכיקער פּראָדוקציע איז די איצטיקע פּיעסע אין גאַנצן אויף ייִדיש, באַגלייט מיט ייִדישע און רוסישע אייבערקעפּלעך. דער אַנסאַמבל נעמט אַרײַן 12 אַקטיאָרן, צווישן זיי — דער אינטערנאַציאָנאַלער קלעזמער־שטערן, דניאל קאַהן.

די פּיעסע ווערט אויפֿגעפֿירט אינעם „מוזיי פֿון דער ייִדישער קולטור־ירושה‟, 36 באַטערי פּלייס, אין דרום־מאַנהעטן. בילעטן זענען $35 ביז $60.

צו באַשטעלן בילעטן קוועטשט דאָ: //nytf.org/ אָדער קלינגט אָן 212-213-2120, ליניע 206.