רעדע וועגן אַפֿראָ־אַמעריקאַנער אין דער ייִדישער ליטעראַטור

Lecture on African Americans in Yiddish Literature

יוסף אָפּאַטאָשוס ראָמאַן וועגן די מאָרדן פֿון אַפֿריקאַנער אַמעריקאַנער.
Forward Association
יוסף אָפּאַטאָשוס ראָמאַן וועגן די מאָרדן פֿון אַפֿריקאַנער אַמעריקאַנער.

פֿון „פֿאָרווערטס‟־רעדאַקציע

Published April 13, 2018.

ווען די מיזרח־אייראָפּעיִשע ייִדן האָבן אָנגעהויבן זיך צו באַזעצן מאַסנווײַז אין אַמעריקע, האָבן זיי זיך געטראָפֿן צום ערשטע מאָל מיט מענטשן פֿון פֿאַרשידענע עטנישע גרופּעס, וואָס האָבן צו יענער צײַט ניט געווווינט אין אייראָפּע. צווישן זיי זענען געווען די אַמעריקאַנער פֿון אַפֿריקאַנער אָפּשטאַם, וואָס זענען אין די זעלביקע יאָרן געקומען קיין ניו־יאָרק ווי אַ טייל פֿון דער אַזוי־גערופֿענער „גרויסער איבערוואַנדערונג‟ פֿון די דורמדיקע שטאַטן.

דער אופֿן ווי אַזוי די ייִדן האָבן באַטראַכט זייערע נײַע שכנים און די פֿאָראורטלען וואָס זיי האָבן אַמאָל געהאַט קעגן זיי ווערן באַשריבן סײַ אין דער ייִדישער ליטעראַטור און ייִדישער פּרעסע פֿון יענע יאָרן, סײַ אין די כּתבֿים פֿון כּלערלעריי פּערזענלעכקייטן אויף דער ייִדישער גאַס: עסקנים, רבנים, כּלל־טוער, פּאָליטיקער, אַקטיוויסטן און אַזוי ווײַטער.

ד׳׳ר גיל ריבאַק, אַ פּראָפֿעסאָר פֿון ייִדישער געשיכטע בײַם אַריזאָנער אוניווערסיטעט וואָס ספּעציאַליזירט זיך אינעם אופֿן ווי אַזוי ייִדישע אימיגראַנטן האָבן זיך באַצויגן צו די אַמעריקאַנער גויים, וועט שילדערן די געפֿילן פֿון די ייִדישע אימיגראַנטן כּלפּי זייערע אַפֿראָ־אַמעריקאַנער שכנים אויף אַ רעפֿעראַט בײַם „פֿאָרדהאַם־אוניווערסיטעט.‟ די פּראָגראַם ווערט אָרגאַניזירט בשותּפֿות מיט„דורות‟ — דער ייִדישער אָפּטייל בײַ דער ניו־יאָרקער שטאָטישער ביבליאָטעק. דער רעפֿעראַט איז אַ סך־הכּל פֿון די פֿאָרשונגען, וואָס ד׳׳ר ריבאַק האָט געמאַכט בײַ דער „ניו־יאָרקער ביבליאָטעק‟ ווי אַן אָרטיקן פֿאָרש־סטיפּענדיאַנט.

דער רעפֿעראַט וועט אָפּגעהאַלטן ווערן דאָנערשטיק, דעם 3טן מײַ, 6 אַ זייגער אין אָוונט. נאָך אינפֿאָרמאַצעי באַזוכט: https://www.nypl.org/events/programs/2018/05/03/feeling-self-disgust-attacks-me-attitudes-eastern-european-jewish



Would you like to receive updates about new stories?








You may also be interested in our English-language newsletters:















We will not share your e-mail address or other personal information.

Already subscribed? Manage your subscription.