דזשים מאָריסאָן אויף ייִדיש אין תּל־אָבֿיבֿ

Jim Morrison in Yiddish in Tel Aviv

Beth Shalom Aleichem/Forverts Montage

פֿון „פֿאָרווערטס‟־רעדאַקציע

Published June 14, 2018.

ווי מיר האָבן שוין הײַיאָר פֿריִער געשריבן אינעם „פֿאָרווערטס‟, האָט „בית שלום־עליכם‟ אײַנגעאָרדנט אַ חודשלעכן ספּעקטאַקל אויף ייִדיש מיטן נאָמען „אסתּרס קאַבאַרעט,‟ וואָס איז געוואָרן אַ גרויסער שלאַגער בײַ די תּל־אָבֿיבֿער ליבהאָבער פֿון מאַמע־לשון.

אויף יעדער פּראָגראַם, טרעטן אויף ייִדיש־לערער, סטודענטן און פּראָפֿעסיאָנעלע מוזיקער און זינגער מיט מאַטעריאַל געווידמעט אַ געוויסער טעמע. מע האָט למשל, געמאַכט אָוונטן לכּבֿוד אַלט־ייִדיש, דער שטאָט אָדעס, גאָלדפֿאַדענס טעאַטער, פֿרויען־פּאָעזיע, טראַדיציאָנעלע (און ניט אַזוי טראַדיציאָנעלע) פּורים־שפּילן און אַזוי ווײַטער.

מיטוואָך, דעם 20סטן יוני, וועט פֿאָרקומען אַ קאָנצערט אויף ידער טעמע „יאָר־אײַן יאָר־אויס,‟ וואָס וועט אַרײַננעמען טעקסטן פֿון זייער אַ ברייטער גאַמע פּערזענלעכקייטן, אַרײַנגערעכנט חנוך לעווין און דעם אַמעריקאַנער ראָקזינגער דזשים מאָריסאָן, אַ מעשׂה פֿון רקודה פּאָטאַש וועגן משה מאָנטעפֿיאָרעס קאַרעטע, לידער פֿון מאָריס ראָזענפֿעלד און ה. לייוויק מיט נײַע מעלאָדיעס און אַן אָריגינעלע ראַפּ־ליד אויף מאַמע־לשון.

די נײַע טעקסטן און איבערזעצונגען האָבן געשאַפֿן יעד ביראַן. די אַנדערע ייִדישע טעקסטן האָבן צונויפֿגעשטעלט גלי דרוקער בר־עם און בני מער. דער ספּעקטאַקל וועט רעזשיסירט ווערן דורך אסתּי ניסים. עס וועלן אויפֿטרעטן מרים טרין, לעאָניד רויטמאַן, רות דאָלאָרעס ווײַס, רות לעווין, מירי רעגנדאָרפֿער, יובֿל אורן, רון זילבערשטיין, חיה קושניר, נאווה ליטוואַק און אסתּי ניסים. בילעטן קען מען באַשטעלן דורכן אָנקלינגען „בית שלום־עליכם‟: 036956513.



Would you like to receive updates about new stories?








You may also be interested in our English-language newsletters:















We will not share your e-mail address or other personal information.

Already subscribed? Manage your subscription.