אַן אָוונט לכּבֿוד רות רובין ז׳׳ל

An Evening Dedicated to Ruth Rubin's Legacy


פֿון „פֿאָרווערטס‟־רעדאַקציע

Published December 13, 2018.

2018 איז געווען אַ וויכטיק יאָר פֿאַרן ייִדישן פֿאָלקסליד, ניט צוליב עפּעס נײַס וואָס איז פֿאָרגעקומען, נאָר דווקא צוליב דעם וואָס אַ סך מאַטעריאַלן פֿון פֿאַרגאַנגאַנגע דורות זענען געוואָרן צוטריטלעך.

עס גייט די רייד וועגן די ריזיקע אַרכיוון פֿון דער זינגערין און עטנאָמוזיקאָלאָגין רות רובין, וואָס די קלאַנג־אַרכיוויסטן בײַם „ייִוואָ‟ לאָרין סקלאַמבערג און עלינאָר ביזונסקי, האָבן נאָך לאַנגע יאָרן האָרעוואַניע, אַרויפֿגעשטעלט אויף דער אינטערנעץ.

כאָטש מע קען הײַנט הערן בײַ זיך אין דער היים די לידער וואָס רות רובין האָט אָנגעזאַמלט, איז נאָך מער רירנדיק צו הערן ווי אַנדערע מוזיקער שפּילן די לידער פֿאַר אײַערע אויגן — אַ זאַך, וואָס קיין שום רעקאָרדירונג קען ניט איבערגעבן. טאַקע דערפֿאַר, אָרדנט דער „ייִוואָ‟, צוזאַמען מיטן „צענטער פֿאַר טראַדיציאָנעלער מוזיק און טענץ‟ און „ייִדיש־ניו־יאָרק‟ אײַן אַ קאָנצערט, וואָס שילדערט די קולטור־ירושה וואָס רות רובין האָט אונדז איבערגעלאָזט.

עס וועלן אויפֿטרעטן עפֿים טשאָרני, סוזאַנע גערגוס, עטל ריים, דזשאַש וואַלעצקי, לאָרין סקלאַמבערג, דזשאָען באָרץ, איציק גאָטעסמאַן, שׂרה־מינה גאָרדאָן, עלינאָר ביזונסקי און סאַשע לוריא.

בײַ דער געלעגנהייט וועלן רובינס קרובֿים און אַמאָליקע סטודענטן דערציילן זייערע זכרונות פֿון איר.

דער קאָנצערט וועט פֿאָרקומען זונטיק, דעם 23סטן דעצעמבער, 7 אַ זייגער אין אָוונט. דער אײַנטריט איז 10$ פֿאַר „ייִוואָ‟־מיטגלידער און סטודענטן און 15$ פֿאַרן ברייטן עולם.



Would you like to receive updates about new stories?






















We will not share your e-mail address or other personal information.

Already subscribed? Manage your subscription.