מאַרגאַרעט טעטשער געשטאָרבן

Margaret Thatcher Dies

די בריטישע פּרעמיערין מאַרגאַרעט טעטשער באַזוכט דעם ישׂראל־פּרעמיער יצחק שמיר, מײַ 1986, אין ירושלים
Yossi Zamir/Flash90/JTA
די בריטישע פּרעמיערין מאַרגאַרעט טעטשער באַזוכט דעם ישׂראל־פּרעמיער יצחק שמיר, מײַ 1986, אין ירושלים

פֿון ייִט״אַ

Published April 08, 2013, issue of April 26, 2013.

די געוועזענע בריטישע פּרעמיערין מאַרגאַרעט טעטשער, וועלכע איז באַטראַכט געוואָרן ווי אַ גוטער פֿרײַנד פֿון ישׂראל, איז געשטאָרבן מאָנטיק פֿון אַ מוח־אַטאַק. זי איז געווען 87 יאָר אַלט.

טעטשער איז געווען די איינציקע פֿרוי צו דינען ווי אַ פּרעמיער פֿון בריטאַניע, און האָט געדינט לענגער ווי אַלע אַנדערע פּרעמיערינס איבער דער וועלט. צווישן די יאָרן 1979 און 1990 האָט זי אָנגעפֿירט סײַ מיטן לאַנד, סײַ מיט דער קאָנסערוואַטיווער פּאַרטיי.

טעטשער האָט געשטיצט ישׂראל, אָבער זי איז נישט אויסגעקומען מיטן ישׂראלדיקן פּרעמיער מנחם בייגין, וועלכער האָט געדינט צוויי קאַדענצן אין די 1980ער יאָרן. זי האָט גערופֿן בייגין „דער שווערסטער מענטש, מיט וועמען איך האָב אַמאָל געהאַנדלט‟, האָט מאָנטיק איבערגעגעבן די „דזשויִש קראָניקל‟ (Jewish Chronicle). זי האָט זיך אויך שטאַרק קריטיקירט ישׂראלס אַטאַק אויפֿן איראַקישן נוקלעאַרן רעאַקטאָר אין 1981.

„זי איז געווען אַ גרויסע פֿירערין; אַ פֿרוי מיט פּרינציפּן, כּוח און קוראַזש,‟ האָט דער ישׂראלדיקער פּרעמיער בנימין נתניהו דערקלערט מאָנטיק. „זי איז אויך געווען אַ געטרײַער פֿרײַנד פֿון ישׂראל און דעם ייִדישן פֿאָלק. זי האָט אינספּירירט אַ גאַנצן דור פּאָליטישע פֿירער.‟

טעטשער האָט גענאָסן פֿון זייער נאָענטע באַציִונגען מיטן אַמעריקאַנער פּרעזידענט ראָנאַלד רייגען, און אין איינעם האָבן זיי באַקעמפֿט דעם קאָמוניזם — אַ כּוח, וואָס האָט מיט דער צײַט געהאָלפֿן גורם זײַן דעם צוזאַמענפֿאַל פֿון דער בערלינער וואַנט אין 1989.

אין איר קאַבינעט האָבן געדינט אַ צאָל ייִדן, אַרײַנגערעכנט נײַדזשעל לאָסאָן, מאַלקאָם ריפֿקינד, קיט דזשאָזעף און לעאָן בריטאַן, האָט דער „דזשויִש קראָניקל‟ דערקלערט.