„מיר טראָגן אַ געזאַנג‟ אויף „יו־טוב‟

“Mir Trogn a Gezang” on Youtube

חוה מאָראַלעס
חוה מאָראַלעס

פֿון „פֿאָרווערטס‟־רעדאַקציע

Published March 16, 2016, issue of April 01, 2016.

עס זענען דאָ צענדליקער ביכער פֿון ייִדישע לידער און געזאַנג, וואָס מע האָט אַרויסגעגעבן איבער דער גאָרער וועלט במשך פֿון די לעצטע 150 יאָר. ווען מע וואָלט, אָבער, געדאַרפֿט אויסקלײַבן בלויז איין בוך פֿאָרצושטעלן די שיינקייט און פֿאַרשידנאַרטיקייט פֿון ייִדישע פֿאָלקסלידער, וואָלטן ס׳רובֿ ייִדישע זינגער און ליבהאָבער פֿונעם ייִדישן ליד, מחוץ דער חסידישער וועלט, זיכער אויסגעקליבן חנה מלאָטעקס „מיר טראָגן אַ געזאַנג‟.

כאָטש דאָס וווּנדערלעכע בוך קומט מיט נאָטן און פֿאַרשידענע דערקלערונגען, איז עס שטענדיק בעסער צו הערן ווי מע זינגט אַ ליד איידער סתּם צו לייענען עס. לעצטנס, האָט די באָסטאָנער ייִדישיסטקע חוה מאָראַלעס פֿאַרעפֿנטלעכט אַ ליסטע אויף „יו־טוב‟ פֿון פֿילמען, אין וועלכע מע זינגט אַ ליד, וואָס געפֿינט זיך אין דער זאַמלונג „מיר טראָגן אַ געזאַנג‟. מאָראַלעס האָט דערקלערט אויף איר „פֿייסבוק‟־זײַטל, אַז צווישן די 105 לידער אינעם בוך האָט זי געפֿונען נוסחאות פֿון 88 לידער. צוליב דעם, וואָס זי האָט געפֿונען אַ פּאָר נוסחאות פֿון געוויסע לידער, האָט זי אויסגעקליבן דעם נוסח, וואָס איז איר צום־מערסטנס געפֿעלן געוואָרן. די ליסטע אַנטהאַלט מער ווי 4 שעה פֿון רעקאָרדירונגען. מע קען עס געפֿינען אָט דאָ: https://www.youtube.com/playlist?list=PLKiz9TRoQKLX6t6RdPwMqg7HuEFk_t7Ce.

אָט זענען אַ פּאָר פֿון אונדזערע באַליבסטע רעקאָרדירונגען פֿון דער רשימה:

יאַן פּירס: „אוי דאָרטן דאָרטן‟

שורה ליפּאָווסקי: „גיי איך מיר שפּאַצירן‟

טעאָדאָר ביקעל: „מחותּנתטע מײַנע‟

דניאל קאַהן און שׂרה־מינע גאָרדאָן: „אונטער די חורבֿות פֿון פּוילן‟

דזשאָני גריי: „קינדער־יאָרן‟