נאָוואָמינסקער רבי פֿאָדערט אַקציעס קעגן קינדער־באַלעסטיקונג
Novominsker Rebbe Urges Action on Child Abuse
פֿון „פֿאָרווערטס‟־רעדאַקציע
דער נאָוואָמינסקער רבי, רבֿ יעקבֿ פּערלאָוו, האָט עפֿנטלעך גערופֿן צו באַקעמפֿן קינדער־באַלעסטיקונג בעת אַ רעדע, וואָס ער האָט אָפּגעהאַלטן אויפֿן הײַיאָריקן צוזאַמענפֿאָר פֿון „תּורה ומסורה‟, גיט איבער די אָרטאָדאָקסישע צײַטונג Yated.
„תּורה ומסורה‟ — אַ נעץ פֿון 760 אָרטאָדאָקסישע טאָגשולן און ישיבֿות — גרייט זיך צו טרענירן הונדערטער ראָשי־ישיבֿה, רביים, און מלמדים איבערן לאַנד, זיי זאָלן זיך אויסלערנען מיטלען אי צו פֿאַרהיטן באַלעסטיקונג אין די שולן, אי צו דערקענען די סימפּטאָמען פֿון באַלעסטיקונג און ווען עס געשעט מחוץ דער שול. די טרעניר־פּראָגראַם וועט פֿאָרקומען אין האַרבסט. דערצו הייבט זיך שוין אָן אַן ענלעכע פּראָגראַם פֿאַר אויפֿפּאַסער אין די זומער־לאַגערן.
דער נאָוואָמינסקער רבי איז דער זון פֿון אַ חסידישן רבי, אָבער ער איז געגאַנגען אין אַ ליטווישער ישיבֿה און האָט שטאַרקע פֿאַרבינדונגען מיט דער ליטווישער קהילה; שפּילט ער אַ פֿאַרבינד־ראָלע צווישן די חסידישע און ליטווישע קהילות.
דער בלאָגער ירחמיאל לאָפּין, וואָס קעמפֿט קעגן סעקסועלער און פֿיזישער באַלעסטיקונג אין דער אָרטאָדאָקסישער קהילה, האָט טענות צום באַריכט פֿון Yated. אין אַן אויסטויש מיט דער „פֿאָרווערטס‟־רעדאַקציע, שרײַבט ער, אַז אַלצדינג וואָס די רבנים זאָגן הײַנט האָט מען שוין צוגעזאָגט מיט צען יאָר צוריק, און עס איז נישטאָ קיין ראַיה, אַז דער מצבֿ האָט זיך געביטן.
לאָפּין זאָגט, אַז אַלע אַנקעטעס וואָס מע פּרוּווט דורכפֿירן אין דער קהילה קומען צו נישט, ווײַל די ראָשי־קהילה ווילן נישט אַרויסגעבן די רעזולטאַטן. די קהילה־פּאָליטיק פֿאָדערט נאָך אַלץ, אַז די געטראָפֿענע מוזן גיין צו אַ רבֿ איידער צו דער פּאָליציי.
„אַוודאי ווילן די ראָשי־קהילה, אַז עס זאָלן זײַן ווייניקער פֿאַלן פֿון סעקסועלער באַלעסטיקונג,‟ זאָגט לאָפּין. „אָבער זיי לייגן דעם עול אויף די קינדער דאָס צו פֿאַרהיטן. דאָס דאַרף זײַן דאָס אַחריות פֿון די דערוואַקסענע און דער פּאָליציי.‟
די לעצטע אַרטיקלען
The Yiddish Daily Forward welcomes reader comments in order to promote thoughtful discussion on issues of importance to the Jewish community. In the interest of maintaining a civil forum, The Yiddish Daily Forwardrequires that all commenters be appropriately respectful toward our writers, other commenters and the subjects of the articles. Vigorous debate and reasoned critique are welcome; name-calling and personal invective are not. While we generally do not seek to edit or actively moderate comments, our spam filter prevents most links and certain key words from being posted and The Yiddish Daily Forward reserves the right to remove comments for any reason.
-
אַהיים
Home -
רעקלאַמעס
Advertise -
אַבאָנעמענטן
Subscribe -
תּנאָים און באַדינגען
Terms and Conditions -
פּריוואַטקייט־פּאָליטיק
Privacy Policy -
וועגן „פֿאָרווערטס‟
About -
וועבזײַט־מאַפּע
Sitemap -
אָפּטיילן
Sections -
ר. ס. ס.
RSS
Copyright © 2020, The Forward Association, Inc. All rights reserved.
