בריוו פֿון אַ לייענער: קירקעגאַאַרדס אַנטיסעמיטיזם

Letter to the Editor: Kierkegaard's Anti-Semitism

מאיר אַהרן גאָלדשמידט (רעכטס) און סאָרען קירקעגאַאַרד
מאיר אַהרן גאָלדשמידט (רעכטס) און סאָרען קירקעגאַאַרד

פֿון ד״ר שעיה מאַלאָוו

Published January 31, 2017, issue of February 23, 2017.

ליבע פֿרײַנד,

ווי אַ צוגאָב צו מיכאַיִל קרוטיקאָווס אַרטיקל וועגן דעם דעניש־ייִדישן שרײַבער מאיר אהרן גאָלדשמידט, דאַרף מען צוגעבן, אַז גאָלדשמידט איז אויך געווען דער רעדאַקטאָר פֿונעם זשורנאַל Corsair געווידמעט מאָדערנקייט. דאָס האָט אים געמאַכט פֿאַר אַ שׂונא דעם פֿילאָסאָף סאָרען קירקעגאַאַרד, וואָס האָט זיך באַוויזן צו זײַן אַ געוואַלדיקער אַנטיסעמיט.

קירקעגאַאַרד האָט אַזוי געשריבן וועגן גאָלדשמידט און Corsair:

„דער Corsair איז אַוודאי אַ ייִדישער אויפֿשטאַנד קעגן די קריסטן (דער היפּוך פֿון אַ פּאָגראָם)… און עס איז געווען אַ ייִד [גאָלדשמידט] וואָס איז געווען דאָס מיטל… אַ ייִד קען זײַן גוט צוגעפּאַסט צו אַזאַ טיראַניע, וואָס איז דער העכסטער ניוואָ פֿון אַמביוואַלענץ, נאָך מער ווי דאָס פֿון אַ וואָכערניק (צו וועלכן ייִדן זײַנען צום בעסטן צוגאַפּאַסט)…‟

צווישן די קריסטלעכע אַנטקעגנשטעלער קעגן אַזעלכע אַנטיסעמיטישע מיינונגען פֿון קירקעגאַאַרד און אַנדערע, זײַנען געווען צוויי דענישע פּערזענלעכקייטן: איינער — דער מאָדערניסטישער טעאָלאָג ניקאָלײַ גרונדטוויג; דער צווייטער — דער שרײַבער האַנס קריסטשען אַנדערסאָן.

אײַער
ד״ר שעיה מאַלאָוו
פּראָפֿעסאָר פֿון פֿיזיק, לאָיאָלאַ־אוניווערסיטעט
שיקאַגע, אילינוי