רעקאָרד־הויכער פּרײַז פֿאַר רמב״ם־ווערק

Maimonides Manuscript Sold at Record Price

פֿון ייִט״אַ

Published April 30, 2013, issue of May 24, 2013.

די „פֿראַנקפֿורטער משנה־תּורה‟, געשריבן פֿונעם רמב״ם, צפֿון־איטאַליע, 1457
Courtesy by Sotheby’s
די „פֿראַנקפֿורטער משנה־תּורה‟, געשריבן פֿונעם רמב״ם, צפֿון־איטאַליע, 1457

ניו־יאָרק. — אויף אַ ליציטאַציע בײַ „סאָטביס‟ מאָנטיק, האָט דער „ישׂראל־מוזיי‟ אין ירושלים, בשותּפֿות מיטן „מעטראָפּאַליטאַן־מוזיי פֿון קונסט‟ אין ניו־יאָרק, באַצאָלט אַ רעקאָרד־הויכן פּרײַז פֿאַר אַן עקזעמפּלאַר פֿון דער „משנה־תּורה‟, וואָס דער רמב״ם האָט אָנגעשריבן אינעם 15טן יאָרהונדערט.

דער חפֿץ איז געווען איינער פֿון 400 עקספּאָנאַטן פֿון אַ גרויסער זאַמלונג יודאַיִקאַ, וואָס האָט ביז איצט געהערט צום געשעפֿטסמאַן און פֿילאַנטראָפּ, מײַקל סטײַנהאַרט.

„סאָטביס‟ האָט נישט אויסגעזאָגט דעם פּינקטלעכן פּרײַז פֿונעם כּתבֿ־יד, אָבער באַטאָנט, אַז דער פּרײַז איז געווען נאָך העכער ווי די 2.9 מיליאָן דאָלאַר, וואָס מע האָט באַצאָלט אין יאָר 1989 פֿאַר אַ פֿאַרצײַטיקער ספֿר־תּורה.

„דער פֿאַקט, אַז דעם אויסערגעוויינטלעכן כּתבֿ־יד האָבן אָפּגעקויפֿט דער ׳ישׂראל־מוזיי׳ און דער ׳מעטראָפּאַליטאַן־מוזיי פֿון קונסט׳ איז זייער רירנדיק, נעמענדיק אין באַטראַכט מײַן און מײַן פֿרויס לאַנג־יאָריקע מיטאַרבעט מיט ביידע אינסטיטוציעס,‟ האָט סטײַנהאַרט דערקלערט. „ס׳איז מיר ספּעציעל וויכטיק, וואָס דאָס איז די ערשטע ממשותדיקע קאָלאַבאָראַציע צווישן די צוויי מוזייען.‟

די קאָפּיע פֿון דער „משנה־תּורה‟ איז אָנגעשריבן געוואָרן אין צפֿון־איטאַליע אין 1457, און ווערט באַצייכנט ווי איינער פֿון די שענסטע אילוסטרירטע ייִדישע טעקסטן פֿון מיטל־עלטער, וואָס איז נאָך פֿאַרבליבן.