נײַע פּראָגראַם פֿאַר ייִדישער קונסט
New Jewish Arts Program
פֿון ריני גערט־זאַנד (Forward)
דער „אוניווערסיטעט אויפֿן נאָמען פֿון דזשאָרדזש וואַשינגטאָן‟ האָט אַנאָנסירט אַ נײַע מאַגיסטער־פּראָגראַם פֿאַר „עקספּערימענטאַלער בילדונג און דער ייִדישער קולטור־קונסט‟. פֿריִער, האָט דער אוניווערסיטעט שוין פֿאָרגעלייגט אַ גראַדויִר־פּראָגראַם פֿאַר „ייִדישער קולטור־קונסט‟. אין פֿאַרגלײַך מיטן דאָזיקן אַקאַדעמישן פּריאָעקט, וואָס פֿאָקוסירט זיך מער אויף אַדמיניסטראַטיווע ענינים פֿון מוזייען און אַנדערע קונסט־אונטערנעמונגען, שטעלט די נײַע בילדונג־פּראָגראַם אַן אַנדער צוועק: צוצוגרייטן פּראָפֿעסיאָנעלע לערער פֿאַר נײַע ייִדישע קולטור־פּראָגראַמען.
די נײַע מאַגיסטער־פּראָגראַם, וואָס עפֿנט זיך דעם קומענדיקן זומער, איז געשאַפֿן געוואָרן אַ דאַנק 1.47 מיליאָן דאָלאַר שטיצע פֿון דער „פֿונדאַציע אויפֿן נאָמען פֿון דזשים דזשאָזעף‟. די פּראָפֿעסאָרין דזשינאַ ווײַסמאַן־דזשאָזעליט, וועלכע פֿירט אָן מיט דער דערמאָנטער גראַדויִר־פּראָגראַם, וועט אויך ווערן די מיטדירעקטאָרין פֿונעם נײַעם פּראָיעקט. אין אַ שמועס מיטן Forward, האָט זי איבערגעגעבן, אַז די עקזיסטירנדיקע אַקאַדעמישע פּראָגראַמען, וואָס האָבן צו טאָן מיט קונסט, אָריענטירן זיך אויף די פֿאַרוואַלטער. די אָרגאַניזאַטאָרן פֿונעם נײַעם פּראָיעקט האָפֿן אָבער צו אַנטוויקלען די ייִדישע קונסט־אונטערנעמונגען סײַ וואָס שייך אַדמיניסטראַציע, סײַ וואָס שייך בילדונג און תּוכן.
דזשאָזעליט האָט צוגעגעבן, אַז אַ סך מענטשן אינטערעסירן זיך מיט די ייִדישע קונסט־פּראָיעקטן, אָבער זענען אַליין נישט באַקאַנט מיט דער ייִדישער קונסט, און פֿאַרקערט: די קונסט־קענער און שאַפֿער זענען, געוויינטלעך, ווײַט פֿון די פֿאַרוואַלטונג־פּאָזיציעס. די פּראָפֿעסאָרין האָפֿט, אַז די נײַע גראַדויִר־פּראָגראַם וועט העלפֿן צוצוגרייטן פּראָפֿעסיאָנעלע יונגע אַדמיניסטראַטאָרן וכּדומה, וועלכע וועלן קאָנען זיך באַטייליקן אין דער ייִדישער קונסט־וועלט אויף אַ שעפֿערישן אופֿן. „ס׳איז פֿאַראַן אַ ריזיקער קוואַל פֿון ענערגיע און שעפֿערישקייט פֿאַר די יונגע־לײַט, וואָס קאָנען באַדינען די ייִדישע קהילה אויף אַ פֿרײַען און שעפֿערישן אופֿן, נישט פֿאַרבונדן מיט אַ קאָנקרעטער רעליגיעזער דענאָמינאַציע.‟
די לעצטע אַרטיקלען
The Yiddish Daily Forward welcomes reader comments in order to promote thoughtful discussion on issues of importance to the Jewish community. In the interest of maintaining a civil forum, The Yiddish Daily Forwardrequires that all commenters be appropriately respectful toward our writers, other commenters and the subjects of the articles. Vigorous debate and reasoned critique are welcome; name-calling and personal invective are not. While we generally do not seek to edit or actively moderate comments, our spam filter prevents most links and certain key words from being posted and The Yiddish Daily Forward reserves the right to remove comments for any reason.
-
אַהיים
Home -
רעקלאַמעס
Advertise -
אַבאָנעמענטן
Subscribe -
תּנאָים און באַדינגען
Terms and Conditions -
פּריוואַטקייט־פּאָליטיק
Privacy Policy -
וועגן „פֿאָרווערטס‟
About -
וועבזײַט־מאַפּע
Sitemap -
אָפּטיילן
Sections -
ר. ס. ס.
RSS
Copyright © 2020, The Forward Association, Inc. All rights reserved.
