נײַעס פֿון וואַרשע

News From Warsaw


פֿון קאָבי ווײַצנער

Published July 28, 2015, issue of August 21, 2015.

(די 2 טע זײַט פֿון 2)

ישׂראלדיקע מאָטאָציקליסטן שטעלן זיך אָפּ אין וואַרשע אויפֿן וועג צו מכּבי־שפּילן אין בערלין

אין 1931 איז אַ גרופּע ייִדישע מאָטאָציקליסטן געפֿאָרן פֿון בערלין קיין תּל-אָבֿיבֿ, כּדי אָנטיילצונעמען אין די „מכּבי‟ ספּאָרט־פֿאַרמעסטן.

הײַ-יאָר זענען 15 ישׂראלדיקע מאָטאָציקליסטן געפֿאָרן פֿון תּל־אָבֿיבֿ צוריק קיין בערלין. די ישׂראלדיקע חבֿרה רופֿן זייער נסיעה BACK TO BERLIN.

אין מיטן יולי האָבן זיי דערגרייכט וואַרשע. ענד-ציל פון דער נסיעה איז, ווי געזאָגט, בערלין. די הײַ-יאָריקע כּלל-אייראָפּעישע מכּבי-שפּילן וועלן פֿאָרקומען אינעם זעלבן בערלינער סטאַדיאָן, וווּ היטלער האָט דערעפֿנט די אָלימפּישע שפּילן אין יאָר 1936.

צווישן די מאָטאָציקליסטן זענען אויך אייניקלעך פֿון דער ערשטער גרופּע וואָס איז געפֿאָרן אין יאָר 1931 פֿון בערלין קיין תּל־אָבֿיבֿ. אין פּוילן האָבן די ישׂראלדיקע מאָטאָציקליסטן באַזוכט דעם אוישוויץ־מוזיי און דעם ייִדישן מוזיי אין וואַרשע.

די ידיעות פֿון וואַרשע ווי אויך ייִדישע נײַעס פֿון אַנדערע לענדער איבער דער וועלט, קאָן מען הערן יעדן טאָג אין אונדזער ראַדיאָ־פּראָגראַם „דער פֿאָרווערטס־קול‟.