ייִדיש איבער דער וועלט

Yiddish Around the World

דניאל קאַן אין דער ראָלע פֿון „ביף‟(רעכטס) און אַבֿי האָפֿמאַן אין דער ראָלע פֿון ווילי לאָמאַן
דניאל קאַן אין דער ראָלע פֿון „ביף‟(רעכטס) און אַבֿי האָפֿמאַן אין דער ראָלע פֿון ווילי לאָמאַן

פֿון דזשאָרדין קוציק

Published September 03, 2015, issue of September 18, 2015.

„טויט פֿון אַ סיילסמאַן‟ אויף ייִדיש

דער „נײַער ייִדישער רעפּערטואַר־טעאַ­טער‟ האָט לעצטנס אַנאָנסירט, אַז די טרופּע וועט פֿאָרשטעלן אַרטור מילערס באַקאַנ­טע פּיעסע „טויט פֿון אַ סיילסמאַן‟ אין דער ייִדי­שער איבערזעצונג פֿון יוסף בולאָף. די איבער­זע­צונג איז געווען אַ שלאַגער אין אַרגענ­טי­נע אין דער זעלביקער צײַט וואָס די אָריגינע­לע פּיע­סע האָט געשפּילט אויף בראָדוויי. די פּרע­מיערע איז פֿאָרגעקומען מיט איבער 60 יאָר צוריק.

די הויפּט־ראָלע פֿון ווילי לאָמאַן שפּילט אַבֿי האָפֿמאַן; דער קלעזמער־מוזיקער און אַק­טיאָר דניאל קאַהן וועט שפּילן זײַן זון „ביף‟. שיין בייקער וועט מען זען אין דער ראָלע פֿון טשאַרלי, אַ שכן און חבֿר פֿון ווילי לאָמאַן, און די אַקטריסע סוזאַן טאָרען שילדערט לאָ­מאַנס פֿרוי לינדאַ. די אַנדערע אַקטיאָרן, וואָס זע­נען באַטייליקט אין דער פּראָדוקציע זע­נען: לעוו האָראָוויץ, אַריאל בעט, איימי קאָל­מאַן, איצי פֿײַערסטאָון, אילן קוויטקען, בן רויזנ­בלאַט, שיינע שמיט און אָדם שאַפּיראָ.

די פֿאָרשטעלונג וועט אויפֿגעפֿירט ווערן אינעם „קאַסטילאָ־טעאַטער‟ אין מאַנהעטן אונטערן רעזשי פֿון משה יאַסור פֿונעם 8טן אָקטאָבער ביזן 22סטן נאָוועמבער. די בי­לעטן, וואָס קאָסטן 50$ דאָלאַר, קען מען באַ­שטעלן דורכן באַזוכן //www.castillo.org/salesman-2015/ אָדער דורכן אָנקלינגען 4111—811—866.

פֿעסטיוואַל פֿון ייִדישן טעאַטער אין איטאַקע, נ״י

די פּראָגראַם אין ייִדישע לימודים בײַם „קאָרנעל־אוניווערסיטעט‟, צוזאַמען מיטן ניו־יאָרקער „נײַעם ייִדישן רעפּערטואַר־טעאַ­טער‟ און די פּראָגראַם אין ייִדישע לימו­דים בײַם „איטאַקער קאָלעדזש‟ אָרגאַניזירן אַ דרײַ־טאָגיקן פֿעסטיוואַל פֿון ייִדישן טעאַ­טער. דער פֿעסטיוואַל וועט אַרײַננעמען דרײַ טעאַ­טער־פֿאָרשטעלונגען:

דינסטיק, דעם 8טן סעפּטעמבער, 6 אַזיי­גער אין אָוונט, וועט מען ווײַזן דעם פֿילם „ייִדי­שע גליקן‟ מיט שלמה מיכאָעלס. נאָכן פֿילם וועט דוד מאַנדעלבאַום פֿאָרשטעלן די פּיעסע „יאָסל ראַקאָווער רעדט צו גאָט‟. דער אָוונט, וואָס וועט פֿאָרקומען אינעם „קאָרנעל־סינע­מאַ‟, איז בחינם.

מיטוואָך, דעם 9טן סעפּטעמבער, 7:30 אין אָוונט, וועט דער „ניו־ייִדיש רעפּ‟ פֿאָר­שטעלן זײַן פּיעסע „דער עסענץ: אַ ‘דים־סום’ פֿון ייִדישן טעאַטער‟ מיט יעלענע שמולענ­סאָן און אַלען ריקמאַן. די פֿאָרשטעלונג וועט פֿאָרקו­מען אינעם „טעאַטער א׳׳נ פֿון האָרנער‟ בײַם „די­לינג­האַם־צענטער‟ אויפֿן קאַמפּוס פֿון „קאָר­נעל‟. די בילעטן זענען בחינם פֿאַר סטודענטן און קאָסטן 5$ דאָלאַר פֿאַרן ברייטערן עולם. נאָך אינפֿאָרמאַציע: קלינגט אָן: 3252—274—607 אָדער שרײַבט yiddishdimsum@gmail.com.

דאָנערשטיק, דעם 10טן סעפּטעמבער, 7:30 אין אָוונט, וועט מען פֿאָרשטעלן סאַמיועל בעקעטס פּיעסע „וואַרטנדיק אויף גאָדאָ‟ אין דער ייִדישער איבערזעצונג פֿון שיין בייקער. די פֿאָרשטעלונג, אינעם „קיפּלינגער־טעאַ­טער‟ בײַם „צענטער פֿאַר פֿאָרשטעלונגס־קונסט א״נ פֿון שוואַרץ‟ אויפֿן קאַמפּוס פֿון „קאָר­נעל‟, קאָסט 11$ פֿאַר סטודענטן און קינ­דער, און 13$ פֿאַר דערוואַקסענע. כּדי צו קויפֿן בי­לעטן באַזוכט: www.schwartztickets.com.

אינטערנעץ־קורסן אויף ייִדיש דורכן ניו־יאָרקער „אַרבעטער־רינג‟

דער „אַרבעטער־רינג‟ אין ניו־יאָרק אָר­גאַ­ניזירט אַ ריי אַוואַנסירטע קורסן אויף ייִדיש, וואָס ווערן געלערנט דורך דער אינטערנעץ. די קלאַסן וועלן דויערן פֿונעם 14טן אָקטאָבער ביז סוף־דעצעמבער.

יעדן מיטוואָך, 6:30 אין אָוונט, וועט קאָ­ליע באָראָדולין לערנען אַ קלאַס וועגן באַקאַנ­טע ייִדישיסטישע פּערזענלעכקייטן פֿון אַמאָל, הײַנט און מאָרגן. יעדן מאָנטיק, 6:30 אין אָוונט, וועט אַבֿרהם ליכטענבוים לערנען אַ קלאַס וועגן דעם, ווי אַזוי מע האָט באַשריבן שלום־עליכם און „דער טונקעלער‟ אין דער ייִדישער פּרעסע.

יעדן מיטוואָך, 1 אַזייגער נאָכמיטאָג, וועט אַבֿרהם ליכטטענבוים לערנען אַ קלאַס „ייִדי­שע שרײַבער פֿון ‘א’ ביז ‘י’‟, וואָס וועט זיך פֿאָקוסירן אויף די ווערק פֿון 10 ווייניק־באַ­קאַנטע ייִדישע שרײַבער, וואָס זייערע נעמען הייבן זיך אָן מיט די ערשטע 10 אותיות פֿו­נעם אַלף־בית.

יעדן מאָנטיק, 1:30 נאָכמיטאָג, וועט יצחק ניבאָרסקי לערנען אַ קלאַס וועגן די משלים פֿון אליעזר שטיינבאַרג.

נאָך אינפֿאָרמאַציע וועגן די קורסן: קלינגט אָן 6800—889—212, צוגאָב־נומער 806, אָדער באַזוכט: https://circle.org/what-we-do/yiddish-language/fall-2015-yiddish-class-descriptions/.

טעאַטער־וואַרשטאַט מיטן „נײַעם ייִדישן רעפּערטואַר־טעאַטער‟

דער „נײַער ייִדישער רעפּערטואַר־טעאַ­טער‟, צוזאַמען מיטן „אַרבעטער־רינג‟ אין ניו־יאָרק, האָבן לעצטנס אַנאָנסירט, אַז זיי אָר­גאַניזירן אַ טעאַטער־וואַרשטאַט, וואָס וועט אויך דינען ווי אַ שפּראַך־קלאַס, וווּ די סטו­דענטן קענען פֿאַרבעסערן זייער ייִדיש. דער קלאַס, וואָס וועט זיך טרעפֿן יעדן זונטיק, פֿון 5 ביז 8 אַזייגער אין אָוונט, פֿונעם 11טן אָק­טאָ­בער ביזן 24סטן יאַנואַר, ווערט אָנגעפֿירט דורך דוד מאַנדעלבאַום, משה יאַסור און שיין ביי­קער, צוזאַמען מיט ייִדיש־לערער פֿונעם „אַר­בע­טער־רינג‟. נאָך אינפֿאָרמאַציע: קלינגט אָן 6800—889—212, צוגאָב־נומער 806, אָדער באַ­זוכט: https://circle.org/what-we-do/yiddish-language/fall-2015-yiddish-in-person-class-descriptions/.

קורסן אויף ייִדיש אין דער „מעדעם־ביבליאָטעק‟

דעם 28סטן סעפּטעמבער הייבן זיך אָן אַ ריי אַוואַנסירטע קורסן אויף ייִדיש וועגן דער ייִדישער ליטעראַטור אין דער „מע­דעם־ביבליאָטעק‟ אין פּאַריז.

פֿאַר סטודענטן אויפֿן 4טן ניוואָ וועט אַהרן וואַלדמאַן לערנען אַ קורס וועגן הו­מאָר אין דער ייִדישער ליטעראַטור. דער קלאַס, וואָס טרעפֿט זיך יעדן מאָנטיק, 2 אַזיי­גער נאָכ­מי­טאָג, וועט באַטראַכטן ווי אַזוי דער ייִדי­שער הו­מאָר ווערט אָפּגעשפּיגלט אין די ווערק פֿון „דער טונקעלער‟, איציק מאַנגער און משה נאַדיר. יעדן מיטוואָך, 7 אַזייגער אין אָוונט, וועלן נאַטאַליע קריניצקאַ און אַהרן וואַלד­מאַן אָנ­פֿירן מיטן זעל­ביקן קורס. פֿאַר אַוואַנסירטע סטודענטן:

מאָריס גלאַזמאַן און זשאַן ספּעק­טאָר וועלן לערנען אַ קלאַס וועגן יצחק באַשעוויס־זינ­גערס ביכל זכרונות, „מײַן טאַטנס בית־דין שטוב‟. דער קלאַס וועט זיך צו­נויפֿ­קומען יעדן צווייטן מאָנטיק, 2 אַזיי­גער נאָכמיטאָג. אין די וואָכן, אין וועל­כע מע וועט ניט לערנען דעם קלאַס וועגן באַשעוויסן, וועט נאַדיאַ דעהאַן־ראָט­שילד לערנען אַ קלאַס וועגן די ווערק פֿונעם פּאָעט לייב נײַדוס.

יעדן דינסטיק, 6:30 אין אָוונט, וועט נאַ­טאַליע קריניצקאַ אָנפֿירן מיט אַ קלאַס וועגן דעם סטיל און דער אידיאָמאַטיק אין די דערציילונ­גען פֿון „דער נסתּר‟ און חיים גראַדע.

יעדן דאָנערשטיק, 2 אַזייגער נאָכמיטאָג, וועט רובי מאָנעט לערנען אַ קלאַס „די פֿאַמי­ליע זינגער‟.

יצחק ניבאָרסקי וועט לערנען אַ קלאַס וועגן העברעיִזמען אין די ווערק פֿון י. ל. פּרץ און שלום־עליכם. דער קלאַס וועט זיך טרעפֿן יעדן דינסטיק, 4 אַזייגער נאָכמיטאָג. יעדן דאָ­נערשטיק אין דער זעלביקער צײַט וועלן יצחק ניבאָרסקי און טל חבֿר־כיבאָווסקי לערנען אַ קלאַס וועגן דער „צאינה־וראינה‟.

נאָך אינפֿאָרמאַציע וועגן די קורסן, באַזוכט: //yiddishweb.com/.

קורסן אויף ייִדיש אינעם פּאַריזער „מע­דעם־צענטער/אַרבעטער־רינג‟

דער „מעדעם־צענטער/אַרבע­טער־רינג‟ אין פּאַריז (וואָס מע דאַרף ניט פּלאָנטערן מיט זײַן שכן, די „מעדעם־ביבליאָטעק‟), פֿירט אָן מיטן „צענטער פֿאַר ייִדישע שפּראַכן און קול­טורן‟, וואָס לערנט פֿיר ייִדי­שע שפּראַכן: העב­רעיִש, דזשו­דעז­מאָ, ייִדיש־אַראַביש און ייִדיש. די קלאַסן הייבן זיך אָן דעם 28סטן סעפּ­טעמבער.

נאָך די ייִדיש־קלאַסן אויף 5 ני­וואָען וועט מען אויך לערנען אַ ריי קורסן אויף ייִדיש פֿאַר אַוואַנסירטע סטודענטן: בתיה בלום וועט לערנען אַ קלאַס וועגן דעם ביכל זכרונות פֿון יצחק באַשעוויס־זינ­גער, „אין מײַן טאַטנס בית־דין־שטוב‟. די קלאַסן וועלן פֿאָר­קומען יעדן מאָנטיק, 2 אַזיי­גער נאָכ­מיטאָג.

מישעל טויבער וועט אָנפֿירן מיט אַ וואַרשטאַט וועגן די לשון־קודש­דיקע ווערטער אין די ווערק פֿון יצחק באַשעוויס־זינגער (יעדן צווייטן דאָנערשטיק, 10 אַזייגער אין דער פֿרי).

ארץ לוי וועט אָנפֿירן מיט אַ וואַר­שטאַט וועגן די ווערק פֿון שלום־עליכם, י. ל. פּרץ, איציק מאַנגער און ב. שלעווין (יעדן דינסטיק, 6 אַזייגער אין אָוונט).

בערל ווײַסברויט וועט אָנפֿירן מיט אַ וואַרשטאַט וועגן יהושעס איבער­זעצונג פֿונעם תּנך (יעדן צווייטן מיטוואָך, 9:30 אין דער פֿרי). נאָך אינפֿאָרמאַציע: www.centre-medem.org.