אַ חנוכּה־מתּנה וואָס העלפֿט הונגעריקע לײַט

A Hanukkah Present to Help the Hungry

יוסף גיטלער (אויפֿן בילד) איז דער גרינדער פֿון „לקט ישׂראל‟, די גרעסטע שפּײַזאַרניע פֿאַר אָרעמע לײַט אין ישׂראל
Courtesy of Leket Israel
יוסף גיטלער (אויפֿן בילד) איז דער גרינדער פֿון „לקט ישׂראל‟, די גרעסטע שפּײַזאַרניע פֿאַר אָרעמע לײַט אין ישׂראל

פֿון ליזאַ שיינפֿײַן (Forward)

Published December 25, 2016, issue of December 28, 2016.

נישט־געקוקט אויף אַלע מתּנות וואָס מע פּאַקט אײַן מיט שיינעם וויקל־פּאַפּיר זענען די סאַמע באַטײַטיקסטע און אָפּגעשאַצטע מתּנות די וואָס מע קען נישט אָפּמעסטן זייער ווערט. גיט אַ בײַשטײַער אין עמעצנס נאָמען אַ ייִדישער צדקה־אָרגאַניזאַציע וואָס העלפֿט באַקעמפֿן דעם הונגער.

טוט אַ קלער וועגן אַ געלט־מתּנה איינער פֿון די ווײַטערדיקע אָרגאַניזאַציעס:

  • „מזון: אַ ייִדישער ענטפֿער אויף הונגער“ שטיצט שתּדלנות־גרופּעס און קאָנגרעסלײַט, וואָס קעמפֿן קעגן הונגער סײַ אין ישׂראל סײַ אין די פֿאַראייניקטע שטאַטן. גיט אַ בײַשטײַער צו „מזון: אַ ייִדישער ענטפֿער אויף הונגער“

  • „לקט ישׂראל‟ איז אַן אָרגאַניזאַציע וואָס נעמט אָפּ נערעוודיק עסן פֿון פֿאַרמען, האָטעלן, ליוועראַנטן און מיליטערישע באַזעס און צעפֿירט זיי צו הונגעריקע לײַט אין ישׂראל. גיט אַ בײַשטײַער צו „לקט ישׂראל“

  • „משׂביע־נעץ פֿון גאָרקיכן“ דערלאַנגט הייסע כּשרע מאָלצײַטן פֿאַר ניו־יאָרקער נויט־באַדערפֿטיקע אין אַ בכּבֿודיקער, רעסטאָראַנישער סבֿיבֿה. די צדקה־אָרגאַנזאַציע האָט ערשט אײַנגעפֿירט אַ נײַעם אופֿן צו אינספּירירן בײַשטײַערס, דורך איר נײַער „משׂביע־קראָם“, אַן אָנלײַן־געשעפֿט, וואָס פֿאַרקויפֿט ווינטשקאַרטלעך, קאָכביכער אויטאָגראַפֿירטע פֿון פֿאַרשמטע קאָכערס, פֿריש אַראָפּגענומענעם, צעמאָלענעם איילבערטאייל און נאָך. דאָס געלט פֿון דער אײַנגעקויפֿטער סחורה וועט דירעקט אויסגעניצט ווערן צו האָדעווען הונגעריקע לײַט. גיט אַ בײַשטײַער צו „משׂביע־נעץ פֿון גאָרקיכן“