אייראָפּעיִשער פֿאַרבאַנד וואַרפֿט אָפּ בויקאָט־פּאָליטיק מיט ישׂראל
EU Breaks With BDS Policy Against Israel
פֿון ייִט״אַ
רעאַגירנדיק אויף די אייראָפּעיִשע באַמיִונגען צו בויקאָטירן ישׂראל, האָט אַ באַריכט פֿונעם אייראָפּעיִשן פֿאַרבאַנד וועגן געשעפֿט־ענינים צום ערשטן מאָל אָפּגעזאָגט אַזוינע אַקציעס.
דער פֿאַררוף אויף בויקאָטן, וואָס דערמאָנט נישט ישׂראל בײַם נאָמען, איז פֿאָרגעלייגט געוואָרן מיט עטלעכע חדשים צוריק, דורך אַ פּראָ־ישׂראלדיקן איטאַליענישן דעפּוטאַט פֿונעם אייראָפּעיִשן פּאַרלאַמענט, פֿולוויאָ מאַרטוסיעלאָ, דורך זײַן צענטער־רעכטער פֿראַקציע — הײַנט די גרעסטע פֿראַקציע אינעם פּאַרלאַמענט.
מאַרטין שולץ, דער געוועזענער פּרעזידענט פֿונעם אייראָפּעיִשן פּאַרלאַמענט, האָט נישט איין מאָל באַטאָנט, אַז דער אייראָפּעיִשער פֿאַרבאַנד וועט נישט שטיצן קיין בויקאָטיר־אַקציעס קעגן ישׂראל, און עטלעכע פּאָליטיקער פֿונעם פֿאַרבאַנד האָבן אויך אויסגעדריקט זייער פּראָטעסט קעגן דער בויקאָטיר־באַוועגונג אין זייערע עפֿנטלעכע רעדעס. ביז איצט איז זייער שטעלונג אָבער נישט אָפּגעשפּיגלט געוואָרן אין קיין שום אָפֿיציעלע דאָקומענטן פֿונעם אייראָפּעיִשן פּאַרלאַמענט.
מאַרטוסיעלאָ איז אויך אַקטיוו בײַם באַקעמפֿן אַ פּלאַן אַראָפּצונעמען ישׂראל פֿון אַ רשימה לענדער וואָס קענען באַקומען קרעדיט־בענעפֿיטן פֿונעם אייראָפּעיִשן אינוועסטיר־באַנק. דער בודזשעט־קאָמיטעט פֿונעם אייראָפּעיִשן פּאַרלאַמענט קלערט אויך אַראָפּצונעמען עטלעכע אַנדערע לענדער פֿון דער רשימה: ברוניי, איסלאַנד, סינגאַפּאָר, טשילע און דרום־קאָרעע, טענהנדיק אַז די לענדער האָבן סײַ־ווי אַ הויכע הכנסה מיט אַ הויכן קרעדיט־ראַנג. דער פּאַרלאַמענט קלערט צוצוגעבן איראַן צו דער רשימה, האָט אַ מיטגליד פֿונעם קאָמיטעט איבערגעגעבן דער ייִט״אַ.
מאַרטוסיעלאָ האַלט אָבער אַז ישׂראל זאָל יאָ בלײַבן אויף דער ליסטע, טענהנדיק אַז דאָס „וועט אויך העלפֿן פּאַלעסטינע, יאָרדאַניע און אַנדערע לענדער אין אַזאַ אומסטאַבילן ראַיאָן.‟
די לעצטע אַרטיקלען
The Yiddish Daily Forward welcomes reader comments in order to promote thoughtful discussion on issues of importance to the Jewish community. In the interest of maintaining a civil forum, The Yiddish Daily Forwardrequires that all commenters be appropriately respectful toward our writers, other commenters and the subjects of the articles. Vigorous debate and reasoned critique are welcome; name-calling and personal invective are not. While we generally do not seek to edit or actively moderate comments, our spam filter prevents most links and certain key words from being posted and The Yiddish Daily Forward reserves the right to remove comments for any reason.
-
אַהיים
Home -
רעקלאַמעס
Advertise -
אַבאָנעמענטן
Subscribe -
תּנאָים און באַדינגען
Terms and Conditions -
פּריוואַטקייט־פּאָליטיק
Privacy Policy -
וועגן „פֿאָרווערטס‟
About -
וועבזײַט־מאַפּע
Sitemap -
אָפּטיילן
Sections -
ר. ס. ס.
RSS
Copyright © 2020, The Forward Association, Inc. All rights reserved.
