ייִדיש איבער דער וועלט

Yiddish Around the World

פֿון דזשאָרדין קוציק

Published February 25, 2015, issue of March 20, 2015.

(די 2 טע זײַט פֿון 3)

אומזיסטע ייִדישע ביכער אין תּל־אָבֿיבֿ

די „נאַציאָנאַלע אינסטאַנץ פֿאַר ייִדיש אין מדינת־ישׂראל‟ האָט לעצטנס אַנאָנסירט אויף איר „פֿייסבוק‟־זײַטל, אַז מע וועט אַוועקגעבן טויזנטע ייִדישע ביכער אומזיסט אין תּל־אָבֿיבֿ צוליב דעם, וואָס די ביבליאָטעק בײַם קולטור־צענטער „בית־אריאלה‟ וויל האָבן מער אָרט אין זײַן סקלאַד. מע וועט צעטיילן די ביכער דינסטיק, דעם 3טן מאַרץ און מיטוואָך, דעם 4טן מאַרץ, פֿון 10 אַ זייגער אין דער פֿרי ביז 2 אַ זייגער נאָך מיטאָג.

רעפֿעראַט פֿון קריסטאַ וויטני אין ניו־יאָרק

קריסטאַ וויטני, די דירעקטאָרשע פֿונעם „פּראָיעקט פֿון געשיכטע בעל־פּה א׳׳נ פֿון וועקסלער‟ בײַם „ייִדישן ביכער־צענטער‟ וועט האַלטן אַ רעפֿעראַט וועגן דעם פּראָיעקט. בעת דער פּראָגראַם וועט מען ווײַזן אויסצוגן פֿון אינטערוויוען און זי וועט דערקלערן די פֿאַרשידענע אופֿנים, ווי אַזוי און פֿאַר וואָס די הײַנטיקע מענטשן געבן איבער די ייִדישע קולטור פֿון דור צו דור.

די פּראָגראַם, אויף ענגליש, וועט פאָרקומען דינסטיק, דעם 3טן מאַרץ, 3 אַ זייגער נאָכמיטאָג בײַם „מוזיי פֿון ייִדישער ירושה‟ אין מאַנהעטן. דער אײַנרטיט איז פֿרײַ, אָבער מע דאַרף זיך רעזערווירן אַן אָרט פֿון פֿריִער.

נאָך אינפֿאָרמאַציע: //www.yiddishbookcenter.org/events/15/03/nyc-event-story-behind-stories.