ידיעות פֿון וואַרשע

News From Warsaw

פֿון קאָבי ווײַצנער

Published March 10, 2015, issue of April 03, 2015.

(די 2 טע זײַט פֿון 3)

דאָרט האָט אַ גרופּע עלטערע סטודענטן אויפֿגעפֿירט די גוט באַקאַנטע פּיעסע „סינדערעלאַ‟. דער חידוש איז אָבער, אַז די פּיעסע איז אויפֿגעפֿירט געוואָרן אויף עבֿרית. די אַקטיאָרן, זײַט וויסן, זענען אַלע עבֿרית־סטודענטן. אַ טייל פֿון זיי לערנען זיך ייִדיש אויך.

צוליב די באַשיידענע מיטלען פֿון דער פּראָדוקציע האָט די כּישוף־מאַכערין נישט געקאָנט מאַכן אַ קאַרעטע פֿון דער דיניע, און זי האָט געמוזט, נעבעך, באַשטעלן אַ טאַקסי פֿאַר סינדערעלאַ, אָבער דאָס האָט נישט געשטערט די צושויער הנאה צו האָבן פֿון דער פֿאָרשטעלונג.

אַ נײַע אויפֿפֿירונג פֿון אַנ־סקיס „דיבוק‟

לאָמיר בלײַבן אין דער שיינער וועלט פֿון טעאַטער. דער וואַרשעווער ייִדישער טעאַטער גרייט צו אַ נײַעם ספּעקטאַקל, אַנ-סקיס „דיבוק‟. אַבֿרהם מאָרעווסקי און שמעון שורמיעי נאָך אים, האָבן געשפּילט די ראָלע פֿונעם מיראָפּאָלער צדיק אינעם „דיבוק‟ במשך פֿון פֿופֿציק יאָר.

פֿאַרשטייט זיך, דער הײַנטיקער „דיבוק‟ אינעם וואַרשעווער ייִדישן טעאַטער וועט זײַן אַ ביסל אַנדערש. ראשית־כּל, וועט מען שפּילן אין דער פּוילישער שפּראַך מיט אַ צוגאָב פֿון ייִדישע און לשון-קדושדיקע טעקסטן.